Nagpanawagan ang kilala nga artist sa probinsya sang Negros Occidental sa mga may luyag sa arts nga magpadayon sa pagpakita sang ila talento.
Sa interview sang Bombo Radyo kay Giljohn Quiamco, founder sang group of Negrense Artist (GONA), tuig 2021 sang gintukod sini ang GONA agud matipon ang mga artist sa Negros Island Region.
Suno diri, madamo na ini sang nabaton nga mga awards gikan sa mga contest nga iya na-intrahan.
Suno pa diri, humalin sang bata ini basta may makita siya nga stick sa dalan ginakuha niya ini kag magsketch sa duta tubtob nga nakita na sang iya ginikanan ang iya talento.
Makaagi man ini nga nagtrabaho apang ginapangita sini ang arts.
Mas ginpili ni Quiamco nga padayunon ang iya arts kag nag-untat sa pagtrabaho.
Aminado man ini nga may mga kabudlayan kun kaisa nga maagyan kaangay sang financial kag family problem.
Apang, wala ini nangin upang sa iya para mag-untat.
