Nalakip sa mga magapangatubang sang mga kaso nga obstruction of justice nagikan sa Philippine National Police amu ang pila ka mga opisyales sang Kingdom of Jesus Christ (KOJC) kag legal representatives bangud sa ginaalegar pagtago kay Pastor Apollo Quiboloy.
Suno kay PNP PIO acting chief kag spokesperson Col. Jean Fajardo, may mga natumod nga opisyales sang KOJC kag mga legal representatives nga tuman ka vocal humalin sa sugod nga wala sa sulod si Pastor Quiboloy apang nakit-an sang kapulisan kag nacorner ini sa sulod.
Suno kay Fajardo, ang PNP ang nagtukod sang isa ka special investigation team nga ginapangunahan sang CIDG nga nakafocus sa case build-up kag pagtumod kun sin-o ang mangin in charge.
Suno kay Fajardo, malakip ang mga ini sa mga pagapasakaan sang kaso nga obstruction of justice.
Ginkumpirmar man sang PNP nga ang term nga “angels of death” ang nagatumod sa mga indibidwal nga ginaalegar ginagamit bilang pagpamahog sa mga ginaalegar mga biktima ni Quiboloy kun indi sila magcomply sa “code of secrecy.”
