Komemorasyon sang Ninoy Aquino Day, gin-isol ni PBBM sa Agosto 23

Gin-idog ni President Ferdinand Marcos Jr. ang komemorasyon sang Ninoy Aquino Day humalin Agosto 21, 2024 sa Agosto 23 suno sa Presidential Communications Office.

Ang Proclamation No. 665 nga ginpermahan ni Executive Secretary Lucas Bersamin sang Agosto 15 ang nagdeklarar man sang Agosto 23 bilang special non-working day.

Ang komemorasyon sang Ninoy Aquino Day ang orihinal nga ginasaulog kun Agosto 21, Miyerkules subong nga tuig apang ini ang gin-isol sa Biyernes agud makahatag sang long weekend nga makapromote sang domestic tourism.

Ang komemorasyon sang Ninoy Aquino Day ang ginamando sang Republic Act No. 9492 kag ginpermahan agud mangin layi ni former president Gloria Macapagal-Arroyo.