Nagalaom si Bacolod City Councilor Atty Dindo Ramos, chairperson sa Committee on Transportation sa Sangguniang Panlungsod nga magapadayun ang ginpromisa ni Land Transportation Franchising and Regulatory Board Chairman Vigor Mendoza III, apisar nga ini ang suspendido.
Sa interview sang Bombo Radyo Bacolod kay Ramos, ang commitment ni Mendoza sang siya ang nagpadulong sa ciudad sang Bacolod sa mga modernized jeepney operators nga nakabatun sang foreclosure notice kasubong man sa mga traditional jeepney drivers ang indi lamang commitment sang Chairman sang ahensya, kundi commitment sang bilog nga institusyon ukon sang LTFRB office.
Dugang pa sini nga yara man sa meeting sanday LTFRB Region 6 Director Richard Osmenia kag LTFRB NIR Director Atty Gerry Llena.
Nagalaom ini nga sanday Osmenia kag Llena na ang magarelay sang pasalig sa LTFRB Central Office kag magahikot agud ini ang mahatagan sang katumanan.
Kalakip sa pasalig ang pagsugilanon ni Mendoza sa mga financial institution nga indi butungon ukon embarguhon ang mga modernized jeepney units nga gindagdagan sang foreclosure notice, bangod yara pa ang pungsod sa state of national calamity.
Samtang ginpasalig man ni Mendoza sa mga apektado nga operator nga ang LTFRB ang magahatag sang P20,000 para sa kada units agud madugang sa bayad sa loan amortization, sa sulod sang tatlo ka bulan.
Nagpasalig man ini sa mga unconsolidated traditional jeepney drivers nga sila ang hatagan sang temporary provisional authority sa pagbyahe.
Sa pihak sini, si Bacolod City Lone District Representative Alfredo “Albee” Benitez ang nagaplano man nga makighinun-anon sa mga bangko angot sa issue.
