Ginpaathag ni Bacolod City Councilor Thaddy Sayson nga indi matuod nga indi magbayad ang ciudad sa High Data Infra Inc.
Nahibaluan nga nagpirma ang Bacolod City sang Build-Transfer-Maintain Agreement para sa Public-Private Partnership (PPP) kaupod ang High Data Infra Inc nga isa ka tikang sa pagpasanyog kag innovation sang ciudad.
Ang ini nga 10-year project ang nagabalor sang P2.1 billion nga pondohan gikan sa General Fund ang ipatuman sa pila ka phases.
Sa interview sang Bombo Radyo kay Sayson, ginpahayag sini nga kada tuig ang bayranay kag may ginasunod nga kaundan base sa kontrata nga pagahimuon kada tuig.
Suno kay Sayson, nagpadala na ang High Data Infra Inc sang notice nga masukot sila sang ila nga 1 year performance.
Suno diri, ginasiguro sang ciudad nga kun ano ang dapat madeliver sang kompanya sa sulod sang isa ka tuig ang ma-deliver gid nila.
Suno sa Konsehal, may mga pamangkot kag clarrifications ang mga Department Heads sa mga nga suno sa ila may kulang nga ginademand kag ini ang ginpaabot sa kontraktor sang High Data Infra Inc.
Sa karun, paathag sini nga gina-alegrar pa sang ciudad ang inog-deliver nga magsanto sa delivery kag acceptance sang mga Department Heads bangud suno diri kinahanglan nga ang tanan nga giho ang indi disbintaha sa ciudad.
