Kinahanglan pa tun-an kag diskuyunan ang ginaduso nga pag-ban sang social media sa mga kabataan nga naga-edad sang 16 panubo.
Ini kasunod sa shooting incident sa Tacloban City kun sa diin lunsay mga menor de edad ang mga suspect.
Sa interview sang Bombo Radyo kay Bacolod Councilor Celia Flor, chairperson sa Committee on Women and Children sa Sangguniang Panlungsod, ginpaathag sini nga malapad ang social media kag ini ang mahimo magamit sa kamaayuhan kaangay sang online learnings.
Suno kay Flor, ang challenge kun paano ma-monitor ang mga kabataan sa paggamit sang social media bangud halos tanan ang may access sini
Dugang pa, nagakinahanglan man sang monitoring tools kaangay sa ginahimo sa iban nga pungsod.
Gani suno sa Konsehal, ang may dako nga responsibilidad amo ang ginikanan sa pagtsekyar sang social media exposure sang ila kabataan.
Sa pihak nga bahin, ginapahayag ni Flor nga kinahanglan man tun-an ang pagpanubo sang edad sa criminal liability.
Suno diri, kalabanan ang mga naga edad sang 15 subong ang may buot na kag nakahibalo na kun ano sila ang nagalapasa sa layi.
Pahayag sini nga lain na ang exposure sang isa ka 15-anyos nga bata subong kun ikumparar sang una bangud sa ila nga social media exposure.
Apang suno sa Konsehal, kinahanglan sa gihapon ikonsiderar ang maturity level sa tagsa ka mga kabataan.
