Ginhingyo sang convernor sang Amlig Tubig ang chairperson sa Committee on Energy and Public Utilities sa Sangguniang Panlungsod sang Bacolod nga si Coucilor Claudio Jesus Puentevella nga liwat magpatigayon sang public hearing.
Ini agud nga mahibaluan sang mga pumuluyo kun sin-o ang nagapanag-iya sang Home Invests Holding Incorporated.
Suno kay anay Councilor Wilson Jun Gamboa, klaro sa report nga ginpresentar sang BACIWA nga ang ang Bocal-Bocal ang isa ka kuhaan sang dugang nga supply sang tubig.
Suno kay Gamboa maathag man nga ang nagpirma sa kontrata amo ang Home Invest Holdings Incorporated para sa pipe laying sang Abril 28, 2024.
Sa public hearing natabuan nga ara si Councilor Vladimir Gonzales, gani ginpamangkot ni Gamboa kun sin o ang tag-iya sang nasambit nga kumpanya apang nagwalk-out ang konsehal.
Sa karun, magahinyo nalang ini kay Councilor Puentevella sa pagpatigayon sang public agud mahibaluan ang tag-iya sang kumpanya kag kun may yara ini sang conflict of interests.
Suno sa anay konsehal nga nakasaad sa layi nga ang mga government officials ang indi dapat mag-enggaged sa isa ka transaction nga personal nga makabenepisyo.
