Amat-amat na nga nagadugang ang bug-at sang host-actress nga si Kris Aquino humalin sang nagpauli ini sa Pilipinas.
Nagbalik si Kris sa pungsod sang Setyembre tuig 2024 matapos ang pila ka tuig sini nga pagtinir sa Estados Unidos para sa treatment sang ginasuprer niya nga autoimmune diseases.
Ginbisita sang entertainment host nga si Mama Loi Villarama ang abyan sini nga si Kris kag sa video nga iya ginpost sa social media, makit-an nga ginhakwat ni Bimby si Kris kag naghambal nga mas nagbug-at na ini kun ikumpara sang tinalikdan.
Suno kay Villarama, sa karun 3 digits na ang kabug-aton ni Kris nga yara na sa 106 lbs.
Dugang pa sini ang diet ni Kris nga ginalakipan sang turon, paho, luychees, orange juice, carabao millk ice cream, kag Daim chocolate lunsay nagbulig para madugangan ang iya bug-at.
Pahayag ni Villarama, dako ang nangin bulig ni Bimby sa iya iloy kag iya ginadayaw kun ano ini ka mapinalanggaanon kag dedikado sa pag-atipan kay Kris.
