Madasig nga nakaagaw sang atensyon sa social media ang video kag mga litrato sang isa ka Alabama foster kitten ukon kuring bangud sa tumalagsaon sini nga genetic condition.
Ang pito ka bulan nga kuring nga si Dobby ang may dugang nga pares sang gagmay nga mga dulunggan.
Suno sa naga-foster kay Dobby nga si Stephanie Brow, ang dugang nga dulunggan sini ang wala man naga-apekto sa iya kag normal man ang iya nga pamatin-an.
Dugang pa sini nga may manubo kag kulot man nga ikog si Dobby.
Pahayag ni Brown nga nagakinahanglan sang operasyon si Dobby agud ma-ayo ang iya overbite kag siya ang mapa-adopt paagi sa Kitty Kat Haven & Rescue.
Nangin online viral star si Dobby pagkatapos ginshare ni Brown sa social media ang mga laragway kag videos nga isa ka tumalagsaon nga klase sang kuring.
