BACOLOD CITY — Nagapadayon sa karun ang light trapping operations nga ginapatigayon sang ciudad sang La Carlota bilang pagtinguha nga matapna ang presensya sang black bugs nga nag-atake sa mga hulumayan diri.
Nahibaluan nga santo sa official report sang Office of the Provincial Agriculturist, walo ka ektarya sang humayan ang apektado sang black bugs sa La Carlota City.
Suno kay Mayor Jacky Jalandoni sang amo nga ciudad, ginapatigayon ang light trapping operation tagsa ka gab-i sa Barangay Ayungon kag Barangay Batuan (bat-wan).
Ini bangud ginatinguhaan sang City Agriculture’s Office nga indi maglaton sa kaiping nga mga banwa kaangay sang San Enrique ang mga black bugs.
Pinaagi sa light-trapping operations, ginapa-amag ang mga black bugs sa suga gani gilayon sila nga nagakalamatay.
Una na nga ginpahayag ni Provincial Agriculturist Atty. Japhet Masculino nga indi basta-basta mapatay sa insecticide ang amo nga insekto amo gani nga kinahanglan gid ang light-trapping operations, tatlo ka gab-i antes kag pagkatapos sang ugsad.
