Ginkalipay sang mga business sectors ang labing-una nga business summit nga ginpatigayon sa ciudad ang Bacolod sa L Fisher Hotel sa ciudad sang Bacolod.
Ginpangunahan ni Bacolod City Mayor Alfredo “Albee” Benitez kaupod si Bacolod City Lone District Congressman Greg Gasataya ang pagpresentar sang Bacolod Urban Master Plan 2050 kun sa diin ang highly urbanized city ang magapromote sang sustainable development sa masunod nga 25 ka tuig.
Ini ang gintambungan sang business leaders, developers, kag iban pa nga mga tiglawas sang iban nga sektor.
Suno kay Benitez, nalipay ang mga stakeholders nga ginlakip ang mga ini planning sang ciudad.
Suno diri, nalipay kag supportive ang mga ini kag indi man luyag sang ciudad nga bangud sa madasig nga development may yara sang mangin problema sa ulihi.
Suno sa alkalde nagakatabo na sa iban nga local government unit nga madasig matuod ang development apang nagapangatubang ang mga ini sang problema sa traffic, kuryente kag tubig.
Ginpahayag sini nga ginatinguhaan sa karun sang ciudad nga malikawan ang pagluntad sang problema nga gintuga sang development ukon pag-uswag.
Suno diri ang ginaduso sa master plan amo ang mobility kun sa diin ang dalan ang gindisenyo kun sa diin padulong ang development.
Dugang pa sini nalakip man sa gin-unveil amo ang pagacknowledge sa problema sang pagbaha nga tuga sang pag-ulan kag high tide.
Nagbutang man sila sang water security plan agud nga masiguro nga bastante ang supply sang tubig kadungan sang pag-umwad sang ciudad.
