“Let the process go through”, mensahe ni Bacolod City Mayor Albee Benitez angot sa impeachment case ni Vice President Sara Duterte

Let the process go through, ini ang pahayag ni Bacolod City Mayor Alfredo “Albee” Benitez bilang reaction sa impeachment case nga ginfile batok sa bise presidente.

Suno kay Benitez wala na ini nakahibalo kun ano ang nagakatabo bangud nag-adjourn man ang senado.

Suno diri, ginapahayag nga mandato sa senado ang pagpatigayon sang hearing sa articles of impeachment batok sa bise presidente.

Dugang pa sang alkalde pabay-an nalang nga magpadayon ang proseso.

Madumduman nga sa ikaapat nga impeachment case nga ginfile batok kay Vice President Sara Duterte 215 ka Kongresista ang nagpirma pabor sa impeachment kag nalakip sa nagpirma ang mga kongresista nagikan sa Negros Occidental.