Ginpahayag sang Secretary General sang General Alliance of Workers Association (GAWA) nga dapat may yara man sang regional wage board para sa Negros Island Region.
Sa interview sang Bombo Radyo Bacolod kay Wennie Sancho, ang proposed P200 increase sa daily salary sang minimum wage earners ang pabor para sa mangunguma apang dapat lantawon man ang mangin epekto sini sa mga employer kag sa mga magagmay nga negosyo.
Suno diri, sa karun nga na-activate na ang NIR kag ang iban nga ahensya sang gobyerno ang inisyal na nga naplastar, dapat lamang nga may yara man sang regional wage board para sa rehiyon.
Sa karun may yara sang regional wage board sa Region 6 kag suno kay Sancho indi man mahimo nga masunod lang ang NIR sa desisyon sang Region 6.
Panawagan sini, dapat may yara sang increase sa sa sweldo sa bilog nga Pilipinas bangod nagasaka man ang presyo sang balaklon.
