Arestado ang isa ka lalaki matapos nagpamasya sang muriatic acid sa tion sang traditional nga “basaan” sa “Wattah Wattah” festival sa San Juan City.
Santo sa report, ang biktima ang nagalantaw sang kapiyestahan sa higad sang dalan.
Ginpahayag sang biktima nga ginhuluman sini ang iya nga nawong sa balde nga may tubig agud nga madula ang hapdi kag sakit sang mata sini.
Nagdulom man ang panulukan sini bangud sa muriatic acid.
Dugang pa sa report nga ang suspetsado ang gin-aresto kag ginkasuhan sang physical injury.
Santo sa imbestigasyon sang mga kapulisan, ang suspek ang nagdala sang muriactic acid bangud nainit ini sa mga nagaintra sa pagselebrar sa tuigan nga kapiyestahan ni San Juan Bautista ang santo patron sang San Juan City.
Suno kay San Juan City Police chief Coronel Francis Allan Reglos nga sang tinalikdan nga tuig nagabasa ini kag nagakasakitan gani subong nagpreparar na ini.
Apang sa ulihi ang suspek ang ginpagwa man bangud nakapiyansa.
Samtang nagpangayo naman sang pasaylo si San Juan City Mayor Francis Zamora sa kinagamo nga nagluntad sa tion sang kapiyestahan kag nagpahayag nga nakahanda nga magbulig ang local government sa biktima sa tion nga magpasaka sang kaso.
Sa idalom sang City Ordinance No. 51 series of 201, ang indi maayo nga pamatasan sa tion sang kapiyestahan ang mahimo nga multahan sang P2,500 tubtob P5000 kag tubtob sa anum ka adlaw nga pagkapriso.
Dugang pa sang alkalde nga wala man sini ginadula ang posibilidad sang pagsabotahe sang mga outsiders sa tion sang kapiyestahan.
