Pilason ang isa ka lalaki matapos ang shooting incident nga nagluntad sa Reclamation Area sa Purok Lampirong, Barangay 2, Bacolod City.
Ang biktima ang ginkilala lamang nga si Alyas Negro, nga ginapahayag residente sang Purok Boulevard sa Barangay 14, Bacolod City, apang ini ang iverify pa sang kapulisan.
Sa inisyal nga impormasyon ang biktima ang nagatrabaho bilang kargador sa Bredco Port.
Suno sa mga nagatrabaho sa building nga ginaconstruct, sila ang nakabati lamang sang apat ka lupok, apang pagkagwa ang nagahamyangon nga biktima na lamang ang ila naabtan kag wala sang suspect.
Ginalantaw nga nagalakat lamang ang biktima sang ginluthang bangod wala man sang bisan ano nga salakyan sa palibot.
Ang biktima ang ginhingagaw pa dala sa ospital samtang padayun pa nga gina-imbestigahan sang Bacolod Police Station 2 ang kaso.
