-- ADVERTISEMENT --
BACOLOD CITY-Dakop sa akto ang isa ka persona matapos magtuyo nga mangawat sa isa ka botika sa Murcia Road, Brgy. Mansilingan, ciudad sang Bacolod kagab-i.
Sa impormasyon nga nakuha sang Bombo Radyo, dakop sa akto si John John Inog, 29 anyos kag residente sang Purok Jalandon 2, Brgy. Banago, nga ginaamat-amat guba ang atop sang pharmacy bangud nadetect ini sang alarm system sang botika.
Gilayon naman nga nagresponde ang mga kapulisan agud madakpan si Inog.
Nakuha sa iya paghinakop ang isa ka sulpak, isa ka bala, isa ka cutter, duha ka gunting kag P4,577.00 nga cash.
Ginahibalo pa sang mga kapulisan kun kinawatan ang kwarta nga nakompiskar.
-- ADVERTISEMENT --
Sa karun, nakahunong ang suspetsado sa Bacolod Police Station 7.
