Patay ang isa lalaki sa Circumferential Road, Brgy. Bata, Bacolod City matapos gina-alegar gintiro ang iya kaugalingon subong nga hapon.
Ang biktima nga padayon nga ginahibalo ang identity ang nagasuksok sang blue nga t-shirt, itom nga dilargo kag black and white nga tennis.
Sa inisyal nga impormasyon nga nakuha sang Bombo Radyo News Team, nagsakay sa isa ka taxi nagikan sa Ayala Malls sa Gatuslao Street ang biktima kag suno sa taxi driver nga si Ramilo Medina, yara pa lang ini sa sulod sang salakyan sang nagpalupok ini sang pusil kag tiruhon kuntani ang iya nga kaugalingon apang napunggan sang driver.
Nagdulog sa nasambit nga lugar ang taxi kag gilayon nga nagwa ang biktima kag gintiro ang iya kaugalingon.
Sa karun, padayon pa ang imbestigasyon sang kapulisan kag Scene of the Crime Operatives (SOCO) tuhoy sa detalye sang insidente.
