Lalaki nasapwan nga wala na sang kabuhi matapos ginbuno-buno sa Brgy Estafania, Bacolod City kaina sang aga

Nasapwan nga wala na sang kabuhi ang isa ka lalaki nga ginbuno sa Purok Sagrado Dos, Brgy Estafania, Bacolod City, kaina kapin alas- 6:00 sang aga.

Sa interview sang Bombo Radyo kay Kevin Basilio, abyan sang biktima nga si Jason Villegas, kagab-i nagpadulong si Villegas sa iya balay kag ginhagad siya nga mag-inom inom apang wala nadayon.

Suno diri, kaina sang aga, nagpadulong ini sa balay ni Villegas para hagaron ang iya abyan nga mangape apang nakit-an sini si Villegas nga nagahigda sa gwa sang iya balay.

Sa pagpalapit sini, nakita niya nga madamo sang pilas sang pagpamuno si Villegas kag kaangay nga nawasak na ang tiyan sini kag may pilas man ini sa kamot nga posible nagbato pa siya.

Sa karun wala pa sang may natumod nga suspek sa insidente.