Nakakita kana bala sang patay apang hinali nga nagpakita?.
Kaangay sa Sual, Pangasinan, kun sa diin ginpahayag sang isa ka pamilya nga natumod nila ang katunga sang bangkay sang isa ka lalaki nga ginapanag-iyahan sang isa ka katapo sang ila pamilya.
Sang Agosto 4, 2024, nadiskubrehan ang bangkay sa Burgos sa baybayon sa probinsya sang Pangasinan.
Sang Agosto 7, 2024, ginlubong sang pamilya ang bangkay pagkatapos ginhaya sa ila nga balay sulod sang duha ka gab-i.
Apang ginkakibot kag ginkahadlok sang mga residente sang Brgy Seselangen, Sual, Pangasinan sang hinali nga nagpakita ang persona nga ginpinsar nila nga nalubong na sang tinalikdan nga adlaw.
Ang lalaki gin kilala kay Eduardo Gille Sr.
Suno kay Eduardo ini naglakat sang Agosto 1 sa rason nga may ara sila sang indi pag-inchindihanay sang iya nga asawa.
Suno sa iya nga asawa nga si Lydia, ini nagpati nga ang lawas nga nasapwan ang lawas ni Eduardo tungod sa allergy sini sa iya nga tiil nga parihos man sa nasapwan nga lawas.
Apisar nga nalipay ang pamilya ni Eduardo nga buhi pa ini, ginahinulsulan man nila ang kwarta nga ila gin-usik sa sala nga tawo.
Maayo na lang, wala pa nila marehistro ang kamatayon ni Eduardo sa Munisipyo sang Sual, Pangasinan.
Ginpahayag sang kapulisan nga duha ka pamilya gikan sa Dasol kag Zambales ang nag-claim sang bangkay nga ginlubong sa sementeryo.
Apang magapatigayon sang DNA testing ang mga otoridad agud matumod ang matuod nga pamilya sang napatay.
Suno sa kay Police Captain Ramil Castro, Officer-in-Charge sang Burgos Police Station, nagkuha sila sang bone marrow sample halin sa bangkay kag gin pasa sa provincial forensic unit.
Ang duha ka mga naga claim sang bangkay ang ipaidalom man sa DNA analysis.
