Patay ang isa ka 49 anyos nga lalaki matapos ginluthang sang makapila ka beses sa Purok Laroca, Brgy. Sta. Rosa, Murcia, Negros Occidental kaina kapin alas-7:20 sang aga.
Ang biktima ang ginkilala lamang nga si Alyas Abaw, kasado, residente sa Prk. Relocation, Brgy. Sta. Rosa, Murcia.
Sa inisyal nga imbestigasyon sang Murcia Municipal Police Station, nagabyahe papauli ang biktima dala ang iya tricycle sang siya ang hinali nga ginpalapitan sang duha ka wala makilal-an nga suspect, kag gintiro sang makapila ka beses sa nagkalainlain nga bahin sang iya lawas.
Ang biktima ang gindala pa sa Murcia Health Unit, apang gindeklarar nga dead on arrival.
Sa karun, padayun pa ang follow-up investigation sang kapulisan sa pagtumod kag paglagas sa mga suspects.
