Patay ang 24-anyos nga lalaki matapos ginapahayag nagpanginmatay sa Hacienda Benitin, Brgy. Bluementritt banwa sang Murcia las-2:05 sini nga hapon.
Sa pahayag ni Chief Inspector Robert Indiape, hepe sang Murcia Municipal Police Station, ginluthang sang biktima nga si Clark Jumon Ginojala Y Montelibano ang iya kaugalingon pinaagi sa pag um-om sang armas.
Nakit-an na lamang ini nga nagahamyangon na sa iya hulot kag wala na sang kabuhi kag may pilas sa ulo.
Suno pa kay Indiape may ginatago nga problema ang biktima kag ini ang ginalantaw nga rason sang iya pagpanginmatay.
Narekober naman sa crime scene ang isa ka kalibre 45 nga armas, empty shell, kag isa ka slug nga naglapos sa ulo sang biktima.
Ginpatihan nga sa baba ang entry ang bala kag naglapos ini sa iya ulo bangod may nga parte sang iya ulo nga nagalapta sa dingding sang iya hulot.
Padayon pa ang imbestigasyon sa insidente apang suno man sa pamilya wala man sang foul play bangod sila man lang ang tawo sa ila balay.
Ipaidalom naman sa paraffin test ang biktima agod madula ang duda sang foul play sa kamatayon sini.
Ginapahayag himata sang alkalde sang Murcia nga si Mayor Andrew Montelibano ang biktima.
