Patay ang isa ka lalaki matapos maglumpat sa ika-apat nga panalgan sang Ayala Malls Capitol Central sa Gatuslao Street, Bacolod City pasado alas 4:00 sang hapon kahapon.
Sa interview sang Bombo Radyo kay Police Lt. Joven Mogato, hepe sang Bacolod Police Station 2, yara sa mid-thirtees ang pang-edaron sang biktima kag residente ini sang Barangay Sum-ag, Bacolod City.
Suno kay Mogato, may nakit-an nga suicide note ang mga medical attendants sa bulsa sang biktima kag santo diri, nahibaluan nga problema sa pamilya ang isa sa mga rason kun ngaa ini ang naghikog.
Suno sa hepe, may yara ini nga dala nga bag kag may nakit-an sila nga mga IDs nga nagapakita nga ini ang isa ka empleyado sang isa man ka mall diri sa ciudad apang ila tsekyaron kun employed pa ini sa nasambit nga mall.
Ila man igasecure ang mga CCTV footage agud maconclude nga wala sang may nagluntad nga foul play.
