Nagdesisyon ang Russian nga lalaki nga magsulod na lang sa presohan bangod wala nangin madinalag-on ang pagpangita asang trabaho.
Matapos makagradwar sa high school, nagserbe si Oleg sa militar kag nangita sang trabaho apang matapos ang pila ka attempt, wala gid sang may nagbaton sa iya.
Bangod wala ini sang lugar nga matiniran kag wala man siya sang kwarta nga ibakal sang pagkaon, naghimo si Oleg sang plano para mabutang ang iya kaugalingon sa presohan.
Nagpadulong ini sa isa ka hotel kag nagpamahog nga bombahan sini ang lugar gamit ang bomba nga yara sa iya bag.
Apang bisan nga ginlock sini ang iya kaugalingon sa kwarto kag nagsinggitan nga may yara siya sang bomba, wala gid sang may nagpati sa iya.
Ginbuksan na lang sini ang bintana kag naglumpat kag nagpadulong sa malapit nga airport.
Gintestingan naman sini nga magsinggit nga may dala siya nga bomba sa airport apang nanotisyaran sang security staff nga wala sang wires ukon bomb detonators nga makit-an kay Oleg amo nga gin-aresto nila ini tubtob nga mag-abot ang kapulisan.
Nag-ako ini nga luyag niya gid man nga arestohon kag santo sa psychiatric evaluation, yara husto nga paminsaron si Oleg amo nga nakahibalo ini sang iya ginhimo.
Ginpreso si Oleg sa sulod sang tatlo ka tuig kag duha ka bulan kun sa diin maenjoy sini ang pagkaon sa presohan kag libre nga matiniran.
