Nagapabilin nga yara sa green category ang halos tanan nga banwa kag ciudad sa Negros Occidental, magluwas lamang sa banwa sang Candoni, Negros Occidental
Sa interview sang Bombo Radyo Bacolod kay Negros Occidental Police Provincial Office Spokesperson Police Captain Judesses Catalogo, sa ulihi nila nga Provincial Joint Security Control Center meeting, gipresentar nga ang banwa sang Candoni lamang ang yara sa orange category, samtang green category na ang iban nga mga banwa kag ciudad.
Apang paathag sini nga sa ila nga latest assessments, wala sang may narecord nga election related incidents sa banwa kag wala naman sang aktibidad bisan sang makawala nga grupo ukon private army.
Paathag ni Catalogo nga ang orange category, ang nagikan pa sa mga data nga natipon sa nagliligad nga mga eleksyon.
Pasalig sini nga malinong sa karun ang eleksyon sa Candoni, apang padayun nga magabantay ang mga kapulisan, kasubong man sa iban nga mga banwa kag ciudad.
Nagalaom si Catalogo nga wala na sang madugang nga iban nga kolor antes ang eleksyon sa Mayo 2.
