Natigayon nga makaluwas ang lima ka persona sa pagkasunog sang duha ka panalgan nga balay sa Purok 4 Magsungay, Brgy Singcang-Airport, Bacolod City kaina kapin alas-4:00 sang kaagahon.
Ang balay ang duha ka panalgan kun sa diin may tyangge kag karenderia sa idalom.
Sa interview sang Bombo Radyo Bacolod kay Weber Sabanal, cook sa karenderia, sa ila nga lima siya ang una nga nakabugtaw bangod nakabatyag ini sang init.
Apang sa iya pagmata, madamo na ang aso kag dako na ang kalayo.
Wala naman ini nakahibalo kun ano ang gintunaan sang kalayo, apang ini ang nagsugod sa ground floor.
Gilayon nga ginpukaw ni Sabanal ang apat ka kaupdanan, kag ginapakamaayo sini nga may nakapinsar nga maggwa sa bintana.
Sa paggwa sa bintana, sila ang naglataw sa atop antes maglumpat sa idalom.
Si Sabanal ang nag-angkon sang pilas sa batiis kag paa bangod sa sin kag alambre, samtang siya ang may paso man sa butkon, nga iya na lamang nabatyagan sang sila ang nakaluwas na
Apang ginakasubo ni Sabanal nga naubos gid ang iya savinga nga P35,000 nga madugay man sini nga ginsuptan.
Suno diri plano kuntani sini nga magpauli sa Himamaylan City sa Disyembre 30 agud magselebrar sang bag-ong tuig, kag ang kwarta ang ginsupot gid sini para may madala sa pagpauli.
Bangod sa siya ang wala gid sang may nasalbar, ginapaligban pa sini kun diin mangita sang kwarta agud makapauli.
