Wala na sang kabuhi sang masapwan ang lima ka tuig nga bata nga lalaki sa sulod sang bubon sa Sitio Bita, Barangay Suay, Himamaylan City, Negros Occidental alas-6:00 kagab-i
Sa inisyal nga impormasyon sang Himamaylan City Police Station, ginpahayag sang amay nga ginpangita sini ang iya bata kapin alas-6:00 sang gab-i, kag sang iya gintsekyar ang bubon, didto sini nakita ang lawas sang iya bata nga naga-utaw utaw na samtang nakahapa sa tubig.
Gilayon niya man ini nga ginpatakas, kag gindala sa Governor Valeriano M. Gatuslao Memorial Hospital apang wala na sang kabuhi.
Nahibaluan nga ulihi nga nakit-an ang bata nga nagahampang malapit sa bubon kapin alas-12:00 sang udto.
Ginrequest naman sang Himamaylan City Police Station, nga mapaidalom sa post-mortem examination ang bangkay.
