Opisyal na nga nakumpleto sang Gilas Pilipinas ang ila lineup para madepensahan ang ila gold medal sa 33rd Southeast Asian Games sa Thailand.
Santo sa listahan sang Philippine Olympic Committee, nalakip ang pangalan nanday former NCAA MVP Allen Liwag sang De La Salle-College sang Saint Benilde Blazers kag former PBA player Justin Chua sa lineup.
Yara man sa roster sanday Ray Parks Jr., Matthew Wright, Thirdy Ravena, Jamie Malonzo, kag Von Pessumal.
Kasubong man sanday PBA stars Robert Bolick, Abu Tratter, kag rookie Dalph Panopio, nga nakaligad lang nagpresenta sa pungsod bilang kabahin sang Gilas Youth.
Yara man sa lineup ang collegiate basketball stars nga si Veejay Pre kag Cedrick Manzano.
Ang restriction nga ginset sang Thailand rason nga ginpaidalum sa pila ka revision ang lineup angot sa pag-impose sang FIBA rules sa naturalized players.
Sadto kabahin sang inisyal nga lista sanday Justin Brownlee kag Ange Kouame apang ginkakas sila bangod sa restriction.
Samtang, ginkakas man sa original lineup sanday Remy Martin, Kymani Ladi, Mike Phillips, kag Brandon Ganuelas-Rosser bangod sa mga isyu.
