Ginhanas Department of Science and Technology (DOST) ang linibo ka mga researchers sa mga unibersidad para sa paggamit sang artificial intelligence ukon AI.
Suno kay DOST Secretary Renato Solidum Jr. nga sa karon, madamo sang proyekto sa artificial intelligence ang gobyerno sa nagkalain-lain nga field.
Pila sa mga ini ang yara sa health para sa madasig nga pagtumod sang balatian, sa pagtudlo, kag sa agrikultura partikular sa post-harvest, halimbawa ang sa pagpili sa manami nga klase sang paho kag durian para sa export.
Nalakip man ang robotics para sa industriya, traffic management, kag disaster risk reduction pinaagi sa hazard hunter nga nagahatag sang automated nga plano sa hazard kag risk areas.
Dako man ang papel sang AI sa weather forecasting para sa mas madasig nga pag-predict sang panahon.
Diri sa ciudad sang Bacolod may gin-install naman ang City Engineers sang AI assisted nga traffic lights nga sa karun masobra na sa 90 porsyento ang na install.
