Ginsuspende sang Department of Migrant Workers ang lisensya sang manning agency kag principal sang Filipino crew members sang MV Eternity C, nga naglugdang sa baybayon sang Yemen matapos gin-atake sang Houthi militants.
Indi magnubo sa lima ka mga Filipino seafarers ang narescue samtang 17 ang nagapabilin pa nga missing.
Suno kay DMW Secretary Hans Leo Cacdac, wala ginakalipay sang gobyerno sa natabo sa pagbyahe sang mga tripulante sa high-risk zone.
Sa karun, suspendido ang lisensya sang manning agency kag ang principal sini bilang pagpatuman sang regulatory measure apang may imbestigasyon sila nga patigayunon.
Sa idalum sang DMW Department Order 1 nga ginpagwa sang Marso 2024, ginamanduan ang mga manning agencies nga magreport sang planned passages paagi sa Red Sea kag Gulf of Aden kag masiguro nga fully informed ang Filipino crew members sang risgo nga imbolbado.
