Nagpanindugan naman ang ka live-in sang security guard nga ginpatay sa Purok Zone 1, Barangay Handumanan, Bacolod City sang Enero nga indi niya paghatag ang original death certificate sa pamilya sang biktima.
Sa interview sang Bombo Radyo Bacolod kay Dholly Malalu-an, dapat ang pamilya ang magproseso man sang death certificate ang pamilya ni Arnold Caballes, bangud ang yara sa iya ang personal sini nga ginproseso.
Suno kay Malalu-an, gin-athag na sini sa pamilya ni Caballes nga wala na ini sang labot sa tion nga makuha na sang mga ini ang bangkay, kag nagpahayag naman ang pamilya nga sila na ang bahala.
Suno diri, indi man ini nanamian sa gina-alegar wala sang respeto nga pagkuha sang bangkay sa ila balay sa Barangay Cabug bisan wala pa nag-abot ang transfer of Cadaver permit.
Pahayag pa sini nga kaangay nga wala sang nagakilala nga pamilya sa iya live-in partner sang buhi pa, apang hinali na lamang naggwa sang ini ang nagtaliwan na.
