Ginpahayag sang alkalde sang banwa sang Valladolid nga sa masunod mas maayo kun livelihood program na lamang ang ibulig sa mga pumuluyo sang sa kwarta.
Madumduman nga may ginpanagtag nga P5,000 cash assistance ang Department of Social Welfare and Development (DSWD) apang ginbawi sa mga benepisyaryo ang P3,000.
Sa interview sang Bombo Radyo Bacolod kay Mayor Ricardo Presbitero Jr. natapos na ang porgrama sang DSWD sa pagpanaghatag sang financial assistance para sa karun nga tuig.
Suno diri, nakadepende na sa DSWD kun ano ang mangin dereksyon sang ila programa apang para sa iya, mas pilion na sini nga hatagan na lamang sang livelihood program ang mga tawo sang sa kwarta nga short term solution lamang.
Pahayag sini, nakaserbe na ang programa sa kinahanglanon sang tawo kag nagalaum ini nga may yara sang lain naman nga serbisyo para ibulig sa mga pumuluyo.
Mensahe ni Presbitero, natun-an na sini nga kun may patas nga responsibilidad lamang kun tani ang mga tawo sa ila isigkatawo para sa gamay lang nga adjustment, madamo pa kun tani sang mabuligan.
