Karun nga amat-amat na nga nagahalog ang mga restriksyon, ano bala nga mga butang ang atun nga panibag-o nga gintestingan nga indi natun mahimo sadto?.
Kasunod sang amat-amat na nga paghalog sang COVID-19 restrictions sa Indonesia, isa sa mga liwat na nga mahimo amo ang pagkaon sa gwa kaangay sa mga restaurants.
Gani pila ka mga residente sa Jakarta nga luyag sang thrill ang ginselebrar ini pinaagi sa pagkaon samtang nagaduyan-duyan 50 metros ang kalayuon gikan sa duta.
Ang “Lounge in the Sky” ang nagbukas sa publiko sang nakaligad nga semana sa capital sang Indonesia nga kalabanan Muslim ang mga pumuluyo.
Apang ang mga pwesto sa restaurant nga yara sa kahawaan, ang napuno na sang reservation isa ka bulan antes paman ang pagbukas sini.
Ini ang fully booked sa gab-i sang Ramadan, ilabi na nga ang mga Muslim ang nagatipon kadungan sa pagtakop sang ila nga pagpuasa.
Ang restaurant ang nagaserbe sang pagkaon nga nagabalor 1.6 million tubtob 3.7 million rupiah ukon P5,800 tubtob P13,400.
Ini ang sarang maserbe sa maximum nga 32 ka customers sa tion sa pag-alsa sang platform pinaagi sa crane nga may kataason nga 50 metros.
Ang mga customers ang nakastrap sa ila tagsa ka pulungkoan samtang ang mga chefs kag nagaserve ang nakasuksok sang security harness.
Bangod sa excitement sa panibag-o nga experience kadungan sa pagselebrar sa kahilwayan nga makakaon sa gwa, ang mga customers ang masami man nga nakita nga nagacheer kadungan sa pagpasaka sang platform.
Pahayag sang 29 anyos nga doktor nga ginkilala lamang kay Yuni, nga ginakulbaan ini sa umpisa kag halos indi makatulon sang iya nga pagkaon, apang thrilling para sa iya nga magkaon samtang yara sa kahawaan.
Panindugan sang restaurant nga nagasunod sila sa estrikto nga safety standards bangod pahayag sang mga ini nga ang experience ang dapat may kaupod nga paghalong.// Sa website sang restaurants, ginarekomendar man sang mga ini sa mga kustomer nga mag-CR na antes paman magplastar sa pulungkuan agud nga malikawan ang sapilitan nga pagpapanaog sang platform kadungan sa pag-umpisa na sang pagserbe sang pagkaon.
Ang “Dinner in the Sky” concept ang gindevelop sang duha ka Belgian entrepreneurs, kag humalin sang 2006 ini ang naglapta na sa madamo nga mga pungsod.////
