Liwat nga ginmando ni Israeli Prime Minister Benjamin Netanyahu ang pagpatigayon sang airstrike batok sa Hamas.
Ini matapos gin-akusahan sang Israel ang Hamas sang pagpanunto bangud ang ginhatag sa ila nga lungon ang wala naga-unod sang mga bangkay sang mga hostages santo sa ginpatigayon nga examination.
Suno kay Netanyahu, ini ang maathag nga paglapas sa kasugtanan sa Gaza ceasefire deal nga dapat mahatag sa ila ang bangkay sang 13 ka iban pa nga mga hostages.
Ini ang ginpanginwala naman sang Hamas ginpahayag nga ginapunggan sang Israel ang ila pagpaninguha agud makit-an ang mga bangkay.
Nagpanawagan ang militante nga grupo sa mga mediators nga gilayon nga maghimo sang tikang agud indi na maglala pa ang liwat nga pagpatigayon sang airstrike sang Israel nga gintunaan sang kamatayon sang lima ka mga persona.
