Ang madasig nga pag-eliher sang Santo Papa ang makabig positibo nga senyales sa nagaisa nga pinsar kag tagipusyon sang mga Cardinals sa pagpahulag sang Espiritu Santo.
Sa interview sang Bombo Radyo Bacolod kay Rev. Fr. Gerardo Alminaza, Bishop sa Diocese of San Carlos, siya ang nagasalig kag batun nga ang mapilian amo ang ginbuot sang Diyos.
Madumduman nga na-elect bilang labing una nga American Pope si Cardinal Robert Francis Prevost nga nagpili sang papal name nga Pope Leo XIV.
Suno kay Alminaza, may pagkahangawa ini kun isa ka Pilipino ang napilian nga Santo Papa bangod tuman ka bug-at sang trabaho sini.
Ini na ang sa paglantaw sini nga pinakamadasig nga conclave sa pag-elect sang Santo Papa nga yara lamang sa 24 oras.
Nagapati ini nga ang resulta sang conclave ang bunga naman sang mga pagpangamuyo kag pagpamalandog kag ang mga cardinals ang makapila naman nga nagmeeting agud hangon ang sistema sa karun sang kalibutan.
Pahanumdom sini nga sagrado ang sistema sang piniliay kag ini ang indi parehas sa eleksyon sa politika.
Nakita man ni Alminaza ang dako nga gugma sang Diyos sa pagbutang kay Pope Leo XIV nga nagbuya sang mensahe nga kita ang palangga sang Ginoo.
Panawagan sini nga ipangamuyo sa bilog nga Pilipinas ang pagpungko sang bag-o nga Santo Papa sa subong nga Jubilee of Hope.
