Patay ang mag-asawa nga negosyante matapos nga ginluthang sang riding in tandem suspects sa Brgy. Suba, ciudad sang Bayawan, Negros Oriental, alas-4:30 kahapon sang kaagahon, July 5.
Sa interview sang Bombo Radyo kay Police Lt. Col. Joseon Parallag, acting chief of police sang Bayawan City Police Station, nagalakat padulong sa fish port ang mag-asawa nga sanday Gregorio kag Neneng sang ginlambatan sang duha ka wala nakilal-an nga mga persona nga nagasakay sa motorsiklo.
Gintiro sang suspek ang duha kag sila ang naigo sa ulo.
Suno kay Parallag, padayon ang ila nga imbestigasyon sa pagtumod sa mga suspetsado kag motibo sa pagpatay.
Ginalantaw naman nga posible nga anggulo amo ang personal grudge ukon may kaangtanan sa negosyo.
Apang, ginkuha naman sang mga suspek ang bag sang mga biktima nga naga-unod sang kwarta kag listahan sang may utang sa ila.
