Liwat nga nag-upod ang mag-utod nga sanday Stephen kag Seth Curry sa isa ka hampang sang NBA bilang isa ka team.
Nagdangat sa 12 seasons kag masobra 1,600 ka hampang antes sila liwat nga nag-updanay bilang isa ka team sang Golden State Warriors.
Ang ila hampang sang Dominggo batok sa Houston Rockets ang una nga kahigayunan nga pareho sila nga available.
Nahibaluan nga ang 38-anyos nga si Steph ang wala nakahampang halin sang Enero 30 bangud sa injury sa tuhod.
Sa iya pagbalik sang Dominggo, nakakuha siya sang 29 puntos sa sulod sang 26 minutes sa 117-116 nga kapierdehan.
Sang nagsulod naman si Steph sa ikaduha nga quarter, natigayon ang ila handum nga magkaupod sa isa ka hampang.
Si Seth ang nakarecord sang anum ka puntos sa sulod sang 13 minutes.
Pahayag ni Seth nga dugay na sila magkontrahanay sa basketball batok sa isa kag isa kag ang ila pag-updanay subong ang espesyal para sa iya.
Madumduman nga si Steph Curry ang nagahampang para sa Warriors halin pa sang 2009.
Samtang, si Seth Curry naman ang yara sa ika-12 season na kag nakahampang naman sa 556 games sa iya nga career kaupod ang napulo ka team.
