Lauman ang mixed price adjustment sa presyo sang produktong petrolyo sa masunod nga semana.
Suno kay Department of Energy-Oil Industry Management Bureau Assistant Director Rodela Romero, santo sa international oil trading sa sulod sang apat ka adlaw, lauman ang pagsaka sang presyo sang Gasolina sa P0.40 tubtob P0.70 sa kada litro, apang sa Diesel naman posible nga may rollback nga P0.10 tubtob sa increase nga P0.20 kada litro samtang P0.10 namang ang increase sa kada litro sang Kerosene ukon mahimo nga wala sang pagbag-o sa presyo sini.
Suno kay Romero, ang dako nga rason nga naka-apekto sa adjustment sang oil price amo ang pagpamahog sa posible nga disruption sang supply sa international oil market.
Dugang pa sini, isa sa mga rason amo ang supply disruption sa Kazakhstan bangod sa drone attack sang Unkraine sa pumping station sa Russia kag pag-impose sang price cap sa Russia agud mapressure ini nga mag negosyar sa Ukraine para sa peace agreement.
