Nagpagwa na sang extradition warrants of arrest kag hold departure orders (HDO) ang Makati City Regional Trial Court (RTC) Branch 145 batok kanday Pastor Apollo Quiboloy, Teresita Dandan, kag Helen Panilag kahapon, Nobyembre 12, kasunod sang mga akusasyon naggikan sa Estados Unidos partikular na ang conspiracy to engage in sex trafficking by force, fraud, kag coercion, kasubong man ang sex trafficking of children, conspiracy to commit sex trafficking, kag bulk cash smuggling.
Ang mga alegasyon ang nag-ugat sa isa ka indictment nga ginpagwa sang Nobyembre 2021 sa US District Court for the Central District of California, nga nagduso sa Federal Bureau of Investigation (FBI) nga magpagwa sang “wanted” poster para kay Quiboloy sang Enero 2022.
Sa pihak sang mga nasambit nga kaso, padayon nga ginapanginwala ni Quiboloy ang mga akusasyon kag ginpahayag nga indi ini magtuman sa hurisdiksyon sang Estados Unidos.
Magluwas sa extradition case, nagapangatubang man si Quiboloy sang magkatuhay nga kaso sa Pilipinas, kalakip ang qualified human trafficking kag child abuse, nga gin-file sang Department of Justice (DOJ) sang Marso 2024, nga nagresulta sa pag-isyu sang mga arrest warrant gikan sa mga korte sa Davao kag Pasig.
Ginkumpirmar sang Department of Justice (DOJ) ang pagpagwa sang mga warrant kag HDO, nga nagasunod sa pormal nga pag-file sang petisyon sang Estados Unidos para sa extradition sang tatlo sang Nobyembre 9.
