Malacañang, batok sa panawagan nga islan ang Philippine Constitution

Wala nagakompormi ang Malacañang sa panawagan nga islan ang Philippine Constitution nga ginaduso ni House Minority Leader kag 4Ps Representative Marcelino Libanan.

Suno kay Palace Press Officer Undersecretary Claire Castro, mas importante sa karun ang pagbag-o sa batasan kag tagipusuon sang mga opisyal sang gobyerno sang sa pagbag-o sang Konstitusyon.

Suno kay Castro, indi pabor si President Ferdinand Marcos Jr. sa panawagan nga Constitutional Change.

Suno diri, indi solusyon ang pagbag-o sa Constitution kundi mangin maka Pilipino kag makapungsod ang mga lider.

Ini ang response ni Castro sa panawagan ni Senator Alan Peter Cayetano nga magpatigayon sang snap election bilang tikang sa pagresponde sa korapsyon sa pungsod.