Ginpanginwala sang Malacañang ang mga nagalapta nga reports nga nadiagnose si President Ferdinand “Bongbong” Marcos Jr. nga may colon cancer.
Ini ang nangin sabat sang Palasyo matapos gin-alegar ni former Presidential spokesperson Harry Roque nga nagagamit sang colostomy bag si Marcos, isa ka plastic pouch nga naangot sa tiyan pagkatapos sang colon-related surgery.
Suno kay Palace Press Officer Claire Castro, indi dapat pagpatihan sang publiko ang mga pahayag nga naghalin sa isa ka indibidwal nga kilala na nga nagapalapta sang mga sala nga impormasyon.
Pahayag ni Castro nga ang mga kasubong sini nga alegasyon nga wala sang basehan ang makabig nga iresponsable kay nagatuyo lamang nga gub-on ang isa ka tawo.
Nagpanugyan man ang tagpamaba sa netizens nga usisaon ang mga impormasyon nga ilabi na ang yara sa social media.
