Ginreiterate sang Malacañang nga indi maghilabot si President Ferdinand “Bongbong” Marcos Jr. sa impeachment ni Vice President Sara Duterte.
Ini ang ginpahayag ni Executive Secretary Lucas Bersamin matapos ginpahayag ni Gabriela Rep. Arlene Brosas nga si Marcos ang rason sang delay sa impeachment proceedings batok kay Duterte.
Suno kay Bersamin, ang gahom sa paghimo sang mga tikang natuhoy sa impeachment complaints ang yara lamang sa House of Representatives.
Bilang pagrespeto sa mga institutions suno sa iya, indi maghilabot ang Presidente sa isa ka butang nga ang may exclusive jurisdiction amu ang isa ka co-equal branch.
Nagpasalig si Secretary General Reginald Velasco nga ang mga impeachment complaints nga ginfile batok kay Duterte ang igarefer sa opisina ni House Speaker Martin Romualdez subong nga semana.
