BACOLOD CITY — Malapit 200 ka mga police personnel ang gindeploy sa ciudad sang Bacolod humalin sang nagligad nga Biyernes.
Suno kay Bacolod City Police Office spokesperson Police Senior Inspector Armilyn Vargas, ang 198 ka mga police personnel ang nagahulat sa ila Basic Internal Security Operations Course rason nga gindeploy anay sa ciudad.
Ang nasambit nga mga police ang una na nga gindeploy sa Bacolod bilang kabahin sang ila Field Training Program kag naggradwar subong nga bulan.
Sa karon suno kay Vargas, gindeploy ang mga pulis sa napulo ka mga police stations sa Bacolod kag sarang na nga magamit para sa police visibility ukon pagresponde sa mga krimen.
Sa tion nga makagraduate na suno kay Vargas ang una nagpaidalom sa Basic Internal Security Operations Course, magapull out sa Bacolod ang 198 ka mga pulis agud nga magpaidalom sa amo nga training.
