Malaysia, ginsuguran na ang pagpapauli sa masobra singko mil nga asylum seeker gikan sa Myanmar

Gin-umpisahan na sang gobyerno sang Malaysia ang pagpapauli sang masobra 5,000 ka mga asylum seekers naggikan sa Myanmar.

Ang nasambit nga tikang ang base sa kontrobersyal nga kasugtanan sa tunga sang Malaysia kag Myanmar military ruler nga si Min Aung Hlaing.

Una na nga nagbiya ang tatlo ka barko sang Myanmar navy padulong sa Malaysia sakay ang 1,476 returnees.

Paathag ni Malaysian Prime Minister Anwar Ibrahim, wala na ini sang mahimo pa kundi makig-negosasyon sa Myanmar bangud nagadamo na ang populasyon sang Muslim Rohingya sa ila nga pungsod.

Madumduman nga madamo nga mga Rohingya Muslims ang nagbakwit naggikan sa Myanmar bangud sa ginpatuman nga military operations nga gintawag sang United Nations bilang genocide.