Mananagat nga imbulbado sa pagbaligya sang illegal nga druga sa banwa sang Manapla, naaresto

Arestado ang mananagat nga imbulbado sa pagbaligya sang illegal nga druga sa Barangay 1A, banwa sang Manapla, Negros Occidental, sang Sabado, alas- 7:17 sang gab-i.

Arestado ang 31 anyos nga lalaki, single, kag residente sang Purok 3, Barangay Chambery sa nasambit nga banwa.

Nakuha sa paghinakop sini ang pito ka sachet sang supected shabu nga ginabanta nagabug-at sang duha ka gramo kag nagabalor sang kapin sa P13,600.

Sa karun yara na sa kustodiya sang Manapla Municipal Police Station ang suspetsado nga magapangatubang sang nagakaigo nga kaso.