Nagmando ang Office of Civil Defense sang mandatory evacuations sa mga lugar nga yara sa six-kilometer permanent danger zone sang Bulkan Kanlaon nga yara sa karun sa Alert Level 3.
Ginpasaka sang Philippine Institute of Volcanology and Seismology (Phivolcs) ang status sang bulkan sang Martes sang hapon matapos nakita nga mas nagsanyog pa ang magmatic eruption.
Suno kay OCD spokesperson Junie Castillo, 729 ka pamilya ukon 2,889 ka indibidwal ang na-evacuate gikan sa Permanent Danger Zone (PDZ).
Ang ini nga mga residente ang nagikan sa 30 barangays sang Tabaco City, Ligao City, Legazpi City, kag banwa sang Malilipot, Santo Domingo, Camalig, Guinobatan, kag Bacacay.
Nagapadayon ang mga otoridad sa hugot nga pagpatuman sang no-entry policy sa sulod sang six-kilometer danger zone, ilabi na sa bahin sang Tabaco City, Santo Domingo, Malilipot, kag malapit nga mga lugar sa Legazpi City.
Ginsulit sang Phivolcs ang advisory sang mga ini agud nga malikawan ang pagpalupad sang anuman nga aircrafts sa malapit sa bulkan bangud sa risgo sang ash kag volcanic debris.
Sa interview kay Phivolcs Volcano Monitoring and Eruption Prediction Division Chief Ma. Antonia Bornas, ila naobserbahan ang padayon nga lava extrusion, frequent incandescent rockfalls, visible crater glow, kag pagluntad sang pyroclastic density currents (PDCs), ukon mas kilala sa Bicol nga “uson.”
