Nagapanawagan ang manghod sang 23 anyos nga babayi nga wala na nakapauli sa banwa sang EB Magalona, Negro Occidental nga magpauli na ini bangud sila ang nagakabalaka na.
Sa Interview sang Bombo Radyo Bacolod kay Mark Joseph Cañete, sang Agosto 10, nagpanindahan pa si Karen Cañete kag magkaupod sila nga nagpauli.
Suno kay Mark Joseph, sang hapon na nagpadulong ang iya magulang sa Saravia bangud may kuhaon ini nga order apang sang ginsugat niya ini sa ila nga bangga wala na ini nakabalik pa.
Suno diri, ang ila amay ang nagakabalaka kun sa diin nagkadto si Karen.
Suno diri, kuntani nagchat man lang ini ukon nagtawag agud magpahibalo kun sa diin ini sa karun.
Dugang pa ni Mark Joseph nga ginatawgan man sini ang iya magulang apang indi na ini macontact.
Nagapanawagan man ini sa nakakita kag nakakilala sa iya magulang nga ipahibalo sa ila kun may nahibaluan sa kun diin ang iya utod.
Napablotter naman nila sa kapulisan ang pagkadula sang iya magulang.
