Patay na sang nakit-an ang bangkay sang isa ka mangingisda nga naga-utaw-utaw sa kalalawran sang Barangay Punta Salong banwa sang Manapla kahapon.
Sa impormasyon nga nakuha sang Bombo Radyo Bacolod, ang biktima ang ginkilala kay Fernando Plaor, 48-anyos kag residente sang Barangay 6-A, Victorias City.
Na-missing ang biktima, pila na ka adlaw ang nakaligad.
Ginalantaw karon nga rason sang pagkamatay ni Plaor amo nga nagkapan ang iya nga sakayan pandagat bangud sa pugada.
Suno kay P/Lt. Victor Blaza, hepe sang Manapla Municipal Police Station, may nagpahibalo sa ila nga may nakit-an nga bangkay nga naga-utaw-utaw sa dagat.
Gilayon naman nga nagresponde ang kapulisan.
Sa karon, plano sang pamilya ni Plaor nga ipalubong nalang gilayon ang bangkay sini.
