Patay ang isa ka mangunguma matapos ginluthang sang makapila ka beses sang wala pa makilala nga suspek sa Sitio Tambobo, Barangay Celestino Villacin, Cadiz City, Negros Occidental.
Ginkilala ang biktima kay Diosdado Fuentes, 65-anyos, kag pumuluyo sang Purok Pilar, Barangay Colonia Divina, Sagay City.
Santo sa inisyal nga imbestigasyon sang Cadiz City Police Station, ginatatap ni Fuentes ang mga pananom sini sang hinali nag-abot ang tag-iya sang duta malapit sa uma sang biktima.
Nabatian na lamang ang anom ka lupok tuga sang wala pa matumod nga kalibre sang armas luthang.
Nasapwan si Fuentes nga may madamo sang igo sang bala.
Nadala pa ini sa district hospital sa Sagay City apang wala na nakalab-ot nga buhi.
Gilayon nga nalagyo ang suspek matapos ang krimen.
Wala pa mahibaluan ang motibo sa pagpangluthang.
