Patay ang isa ka mangunguma matapos makuryente samtang nagatrabaho sa talamnan sa Purok Lubi 1, Barangay Caridad, Bago City, alas 9:30 sang aga, Nobyembre 27.
Sa interview sang Bombo Radyo kay Police Captain Emman Anacleto, deputy chief of police sang Bago City Police Station, nagalakat sa dalan ang biktima nga si Jose Semillano, 36-anyos, residente sang Purok Kapayas, Barangay Ilijan, Bago City, dala ang isa ka hand-tractor motor nagikan sa kampo sang aksidente sini nga natandog ang nagaluyloy nga linya sang kuryente nga may open wire nagikan sa balay ni Mercedes Lim.
Nakuryente si Semillano kag nahulog sa kanal.
Ginhingagaw pa ang biktima dala sa Bago City Hospital agud madapatan sang pagbulong apang gindeklarar ini nga dead on arrival.
Suno kay Anacleto, nakig-angot na ang kapulisan sa barangay kag Negros Power natuhoy sa insidente.
Panugyan sini sa tanan nga maghalong kag mangin mabinantayon.
