Duha ka matag-as nga opisyales sang pungsod ang magatambong sa opening ceremony sang 2024 Palarong Pambansa sa Cebu City Sports Center karon sa hapon.
Ginkumpirmar ni John Pages, pinuno sang Cebu City Sports Commission, nga magatambong man si President Bongbong Marcos sa opening sang sporting event.
Una na nga ginkumpirmar ni Vice President Sara Duterte sang tinalikdan nga semana nga magatambong ini sa opening sang Palarong Pambansa.
Bangud sini, makit-an ang duha nga magkaupod sa publiko sa pihak sang nagagwa nga mga isyu angot sa relasyon sang presidente kag bise presidente nga ginsundan sang pagresign ni Duterte bilang Education secretary.
Magluwas kanday Marcos kag Duterte, magatambong man sa opening karon sa hapon si incoming DepEd Secretary Sonny Angara.
